Испаниянинг «Реал Сосьедад», «Реал Бетис» ва «Валенсия» клублари «Манчестер Юнайтед» билан шартномаси ёзда якунига етадиган ярим ҳимоячиси Хуан Матага даъвогарлик қилмоқда.

Мата «Юнайтед»га 2014 йилнинг қишида «Челси»дан 40 миллион евро эвазига ўтган эди. Бироқ испан ярим ҳимоячиси ҳеч қачон Манчестер клубининг асосий ўйинчиси бўлмаган.

Катта эҳтимол билан 2 май, душанба куни Мата «Манчестер Юнайтед» таркибида «Олд Траффорд»даги хайрлашув учрашувини ўтказди. Fichajes нашрининг хабар беришича, футболчи фаолиятини Испанияда давом эттириш ниятида.

Мата жорий мавсумда Премьер-лигада атиги бешта ўйинда майдонга тушди.