Чемпионлар лигасининг ярим финал жавоб учрашувида Англиянинг «Ливерпуль» жамоаси сафарда Испаниянинг «Вильярреал» клубини мағлуб этиб, Чемпионлар лигаси плей-офф босқичида ўзига хос натижа қайд этди. Шу пайтгача «Вильярреал» Чемпионлар лигасининг плей-офф босқичида ўз уйида мағлуб бўлмаган. Натижада «Ливерпуль» ўз тарихида ўнинчи марта Чемпионлар лигаси финалига чиқди ва унда «Манчестер Сити» ва «Реал» жуфтлиги ғолиби билан ўйнайди.
Шу тариқа, «Ливерпуль» Англия футболи тарихида бир мавсум давомида Англия лига кубоги финалига, Англия кубоги финалига ва Чемпионлар лигаси финалига қадар етиб борган биринчи клубга айланди. Шунингдек, Юрген Клопп жамоаси АПЛ чемпионлиги учун ҳам курашмоқда.
