Chempionlar ligasining yarim final javob uchrashuvida Angliyaning «Liverpul» jamoasi safarda Ispaniyaning «Vilyarreal» klubini mag‘lub etib, Chempionlar ligasi pley-off bosqichida o‘ziga xos natija qayd etdi. Shu paytgacha «Vilyarreal» Chempionlar ligasining pley-off bosqichida o‘z uyida mag‘lub bo‘lmagan. Natijada «Liverpul» o‘z tarixida o‘ninchi marta Chempionlar ligasi finaliga chiqdi va unda «Manchester Siti» va «Real» juftligi g‘olibi bilan o‘ynaydi.
Shu tariqa, «Liverpul» Angliya futboli tarixida bir mavsum davomida Angliya liga kubogi finaliga, Angliya kubogi finaliga va Chempionlar ligasi finaliga qadar yetib borgan birinchi klubga aylandi. Shuningdek, Yurgen Klopp jamoasi APL chempionligi uchun ham kurashmoqda.