«Ливерпуль» ҳимоячиси Трент Александр-Арнольд ЕЧЛнинг ярим финалида «Вильярреал» устидан қозонилган ғалаба (3:2) ҳақида фикр билдирди.
"Чемпионлар лигасининг ярим финали биз учун ҳар доим қийин бўлади. Бугун яна қийин бўлди. Улар биринчи бўлимда жуда яхши ўйнашди. Танаффусда биз ўзимизни тўплашга муваффақ бўлдик ва якунда биз рақибга босим ўтказишга муваффақ бўлдик. Исталган натижа. Биринчи бўлимда осон бўлмади. Осон бўлмаслигини билардик, аммо, ўйинни ўзингиз хоҳлагандек назорат қилиш ҳар доим ҳам имкони бўлавермайди. Охир-оқибат, биз барибир ишни якунлаб, Парижга бериладиган йўлланмани қўлга кирита олдик», - деди Александр-Арнольд УЕФА расмий сайтига.
