Англия терма жамоаси ва "Ливерпуль" собиқ ҳужумчиси Майкл Оуэннинг фикрича, дунёда Виржил ван Дейкга тенг келадиган марказий ҳимоячи йўқ.
“Рио Фердинанд мен қарши ўйнаган энг яхши марказий ҳимоячи эди, деб айтган бўлардим. Лекин ҳозир мен ҳужумчи сифатида ван Дейкга қарайман ва ўйлайман: унга қарши нима қилиш мумкин?
У ҳаммадан каттароқ, ҳар қандай марказий ҳимоячидан тезроқ, шунингдек, кучлироқ, тўп билан зўр муомалада бўлади ва ўзи ҳам гол ура олади. Мен ҳеч қачон бундай футболчини кўрмаганман.
Айни дамда унга фақат ғалабалар сони етишмаяпти. Фердинанд, Мальдини ва Барези катта рақамларга эга. Ҳозирча бу ван Дейкга қарши ишлаяпти, лекин барибир ўйлайман, қандай қилиб ундан яхшироқ бўлиш мумкин? - деди Оуэн.
