Лондоннинг «Челси» клубига эгалик қилувчи россиялик тадбиркор Роман Абрамович клубнинг 1,6 миллиард фунт стерлинг (1,9 миллиард евро) қарзини кечиб юбориш ҳақидаги аввалроқ берган ваъдасидан қайтиши мумкин. Бу ҳақда The Telegraph нашри хабар бермоқда.
Абрамович учун муаммо аввалроқ россиялик тадбиркорга санкция қўйган ва энди «Челси»ни сотишни кечиктиришни рад этаётган Британия ҳукумати. Бу клубнинг кейинги фаолиятини хавф остига қўяди.
Банкротлик хавфидан қочиш учун «Челси» 31 майгача янги хўжайин топиши керак. Клубнинг бир қанча потенциал харидорлари борлигига қарамай, жорий қилинган санкциялар туфайли Абрамовичнинг келишувга эришиши муаммоли.
Британия ҳукумати россиялик тадбиркорнинг клуб сотувидан пул ишлаб олишига йўл қўймасликка бел боғлаган ва барча даромадларни Буюк Британияда футболни ривожлантиришга сарфламоқчи.
