Londonning «Chelsi» klubiga egalik qiluvchi rossiyalik tadbirkor Roman Abramovich klubning 1,6 milliard funt sterling (1,9 milliard yevro) qarzini kechib yuborish haqidagi avvalroq bergan va’dasidan qaytishi mumkin. Bu haqda The Telegraph nashri xabar bermoqda.
Abramovich uchun muammo avvalroq rossiyalik tadbirkorga sanksiya qo‘ygan va endi «Chelsi»ni sotishni kechiktirishni rad etayotgan Britaniya hukumati. Bu klubning keyingi faoliyatini xavf ostiga qo‘yadi.
Bankrotlik xavfidan qochish uchun «Chelsi» 31 maygacha yangi xo‘jayin topishi kerak. Klubning bir qancha potensial xaridorlari borligiga qaramay, joriy qilingan sanksiyalar tufayli Abramovichning kelishuvga erishishi muammoli.
Britaniya hukumati rossiyalik tadbirkorning klub sotuvidan pul ishlab olishiga yo‘l qo‘ymaslikka bel bog‘lagan va barcha daromadlarni Buyuk Britaniyada futbolni rivojlantirishga sarflamoqchi.
