"Челси" ҳимоячиси Маркос Алонсо ёзда жамоани тарк этиб, ўзини бошқа чемпионатда синаб кўрмоқчи. Журналист Фабрицио Романонинг таъкидлашича, футболчи кетиш борасидаги якуний қарорини аллақачон қабул қилган. "Челси" бош мураббийи Томас Тухель, агар испаниялик футболчига муносиб харидор топилса, Алонсони сотилишига қарши эмас.

Қайд этилишича, Алонсонинг ўзи Испанияга қайтмоқчи. Каталониянинг "Барселона" клуби футболчининг Ла Лигага қайтиш истагидан яхши хабардор ва футболчининг хизматларига қизиқиш билдирмоқда. Каталония клуби вакиллари, ҳамда футболчининг агентлари ўртасидаги музокаралар давом этмоқда.

Эслатиб ўтамиз, Алонсо "Реал Мадрид" тарбияланувчиси ҳисобланади.