"Chelsi" himoyachisi Markos Alonso yozda jamoani tark etib, o‘zini boshqa chempionatda sinab ko‘rmoqchi. Jurnalist Fabrisio Romanoning ta’kidlashicha, futbolchi ketish borasidagi yakuniy qarorini allaqachon qabul qilgan. "Chelsi" bosh murabbiyi Tomas Tuxel, agar ispaniyalik futbolchiga munosib xaridor topilsa, Alonsoni sotilishiga qarshi emas.
Qayd etilishicha, Alonsoning o‘zi Ispaniyaga qaytmoqchi. Kataloniyaning "Barselona" klubi futbolchining La Ligaga qaytish istagidan yaxshi xabardor va futbolchining xizmatlariga qiziqish bildirmoqda. Kataloniya klubi vakillari, hamda futbolchining agentlari o‘rtasidagi muzokaralar davom etmoqda.
Eslatib o‘tamiz, Alonso "Real Madrid" tarbiyalanuvchisi hisoblanadi.
