Манбага кўра, ҳужумчи Александр Ляказетнинг "Арсенал"дан кетиши деярли муқаррар.
Франциялик футболчининг Лондон клуби билан шартномаси июнь ойида якунига етади. Ляказетнинг келажаги ҳақида бир неча ойдан бери музокаралар давом этмоқда, бироқ Daily Mail нашри хабарига кўра, 30 ёшли франциялик футболчининг кетиши деярли ҳал қилинган масала. Ёзда форвард эркин агентга айланади. Унинг хизматларига даъвогарлар орасида "Барселона" ва Франциянинг "Лион" клублари бор.
Александр Ляказетт айнан "Лион"дан "Арсенал"га 53 миллион евро эвазига ўтган эди. "Канонирлар" таркибида беш йилдан камроқ вақт ичида франциялик ҳужумчи 202 та ўйинда қатнашиб, 71 та гол урган.
