Франкфуртнинг “Айнтрахт” клуби бош мураббийи Оливер Гласнер Европа лигаси 1/2 финали жавоб учрашувида “Вест Хэм” устидан қозонилган ғалаба (1:0) ҳақида фикр билдирди.
“Жуда қийин ўйин бўлди. Чиройли гол уришга муваффақ бўлдик. Иккинчи бўлимда биз иштиёқ билан астойдил ҳимояландик. Мен ўз жамоам билан фахрланаман. 42 йилдан сўнг бу клуб ва унинг ашаддий мухлислари билан финалга чиқиш жуда ажойиб", - дея Гласнернинг сўзларини келтиради УЕФА матбуот хизмати.
Эслатиб ўтамиз франкфуртликлар сўнгги бор 1980 йилда еврокубоклар финалида иштирок этган эди.
