Frankfurtning “Ayntraxt” klubi bosh murabbiyi Oliver Glasner Yevropa ligasi 1/2 finali javob uchrashuvida “Vest Xem” ustidan qozonilgan g‘alaba (1:0) haqida fikr bildirdi.
“Juda qiyin o‘yin bo‘ldi. Chiroyli gol urishga muvaffaq bo‘ldik. Ikkinchi bo‘limda biz ishtiyoq bilan astoydil himoyalandik. Men o‘z jamoam bilan faxrlanaman. 42 yildan so‘ng bu klub va uning ashaddiy muxlislari bilan finalga chiqish juda ajoyib", - deya Glasnerning so‘zlarini keltiradi UYEFA matbuot xizmati.
Eslatib o‘tamiz frankfurtliklar so‘nggi bor 1980 yilda yevrokuboklar finalida ishtirok etgan edi.
