“Лейпциг” бош мураббийи Доменико Тедеско Европа Лигаси ярим финалида Шотландиянинг “Рейнжерс” жамоасига қарши ўйинда жамоасининг мағлубиятга учрагани ҳақидаги фикрлари билан ўртоқлашди.
Жавоб ўйинида шотландлар ўз майдонида 3:1 ҳисобида ғалаба қозонишди.
"Биз жуда хафамиз. Бугун учта голни жуда осон ўтказиб юбордик. "Рейнжерс" биринчи дақиқалардан тинимсиз прессинг қилди, биз уларни ушлаб қолиш учун бор кучимиз билан ҳаракат қилдик, аммо жисмоний томондан бу бизга қийин бўлди. Бу стадиондаги атмосфера ажойиб”, - деди Тедеско Sky Sport билан суҳбатда.
