“Вест Хэм” бош мураббийи Давид Мойес Франкфуртнинг “Айнтрахт” жамоасига қарши Европа лигаси ярим финал жавоб ўйинидаги ҳакамлардан норози бўлди.

Англия клуби ҳимоячиси Аарон Крессвелл 19-дақиқада Йенс Хаугега нисбатан қўполлик ишлатгани учун майдондан четлатилди. Орадан 3 дақиқа ўтиб Германия клуби ҳужумчиси Рафаэль Борре гол уриб, “Айнтрахт”нинг устунлигини оширди.

“Кўп шикоятлар бор. Жуда хафаман, лекин мен ўйинчилар билан фахрланаман. Уларнинг ўн киши бўлиб ўйнаши ажойиб эди, - деди Мойес ўйиндан кейин.

“Айнтрахт” 1:0 ҳисобида ғалаба қозонди ва инглиз клубини турнир финалига йўл олишига тўсқинлик қилди.