Мадриднинг "Реал" клуби бош мураббийи Жозе Моуриньо клуб раҳбариятидан "Челси" ҳимоячиси Бранислав Ивановични сотиб олишларини илтимос қилган. Бу ҳақда "Чемпионат.com" нашри хабар бермоқда.
Моуриньо анчадан бери сербиялик ҳимоячини ўз жамоаси сафида кўришни истаётганлигини ошкор қилган.
Португалиялик мутахассиснинг айтишича, унинг орзуси ўз жамоаси сафида "Ювентус" ҳимоячиси Жоржио Кьеллини кўриш экан. Аммо туринликлар бир неча маротаба Моуриньо ва унинг жамоасига рад жавобини берган.
Моуриньонинг фикрича Бранислав Ивановичнинг ҳатти-ҳаракатлари ва ўйин савияси Кьеллинига ўхшаб кетади. Айнан шунинг учун, ўзининг собиқ шогирдини "Реал" да кўришни ихтиёр этган.
Аммо ушбу трансфернинг амалга ошишига бир муаммо ҳалақит қилиши мумкин. "Челси" унинг маоши анча юқори. Лондонлдиклар эса уни трансферга қўйгна тақдирда ҳам унинг трансфер нархи 25 миллион евродан кам бўлмаслиги айтилмоқда. "Реал" президенти Флорентино Перес бир футболчи учун бунча кўп пул сарфлай олмаслигини айтган эди.
