Италия А Сериясининг 36-тури доирасидаги ўйинда юқори дивизионда жон сақлаб қоладиган жамоалар ичида пешқадам бўлиб турган “Женоа” драматик ўйинда “Ювентус”ни мағлуб этди. Учрашувдан кейин мезбонлар бош мураббийи ўйин ҳақидаги фикрлари билан ўртоқлашди.

- Ўйиндан олдин ҳам, ўйин давомида ҳам ижобий фикрларим бор эди. Ҳозирги ҳис-туйғулардан 30 ёшли йигитга айланиб қолдим... Биз тўғри алмаштиришларни амалга оширдик ва ўйиннинг сўнгги ўн беш дақиқасида воқеалар ақл бовар қилмайдиган даражада ривожланди. Биз тўғри менталитет туфайли ғалаба қозондик, - деди Александр Блессин ITASportPress билан суҳбатда.