Яқин орада “Астон Вилла” ҳужумкор ярим ҳимоячи Филиппе Коутиньонинг келажаги ҳақида қарор қабул қилиши керак.

Бразилиялик футболчи январ ойидан бери "Барселона"дан ижара асосида Бирмингем жамоасини ҳимоя қилмоқда. Каталонияликлар 29 ёшли футболчини 40 миллион евро эвазига доимий равишда "Астон Вилла"га қўйиб юборишга тайёр, аммо инглиз клуби трансфер зарурлигига шубҳа қилмоқда.

SPORT хабарига кўра, "Барселона" раҳбарияти Коутиньонинг сотувидан тезроқ пул йиғишни истамоқда, шу боис бирмингемликларни май ойи охиригача якуний қарор қабул қилишга чақирмоқда.

Филиппе Коутиньо “Вилла” сафида Премьер-лигада 15 та ўйинда майдонга тушиб, 4 та гол ва 3 та голли узатмага муаллифлик қилган.