Yaqin orada “Aston Villa” hujumkor yarim himoyachi Filippe Koutinyoning kelajagi haqida qaror qabul qilishi kerak.

Braziliyalik futbolchi yanvar oyidan beri "Barselona"dan ijara asosida Birmingem jamoasini himoya qilmoqda. Kataloniyaliklar 29 yoshli futbolchini 40 million yevro evaziga doimiy ravishda "Aston Villa"ga qo‘yib yuborishga tayyor, ammo ingliz klubi transfer zarurligiga shubha qilmoqda.

SPORT xabariga ko‘ra, "Barselona" rahbariyati Koutinyoning sotuvidan tezroq pul yig‘ishni istamoqda, shu bois birmingemliklarni may oyi oxirigacha yakuniy qaror qabul qilishga chaqirmoqda.

Filippe Koutinyo “Villa” safida Premyer-ligada 15 ta o‘yinda maydonga tushib, 4 ta gol va 3 ta golli uzatmaga mualliflik qilgan.