"Барселона" вингери Ансу Фати жароҳатлар туфайли тез-тез майдонга тушмади, аммо бу унинг мунтазам гол уришига тўсқинлик қилмайди.
Айнан 19 ёшли футболчи тўплар ва ўйнаган дақиқалар нисбати бўйича жорий Испания чемпионатида пешқадам бўлиб, майдонда ўтказган ҳар 61 дақиқада ўрта ҳисобда бир гол (7 ўйинда 4 та гол) урмоқда.
Ушбу рейтингнинг иккинчи ва учинчи ўринларида "Реал Мадрид" аъзоси Карим Бензема (ҳар бир голга 95 дақиқа, 30 учрашувда 26 гол) ва "Барселона" аъзоси Пьер-Эмерик Обамеянг (ҳар бир голга 99 дақиқа, 14 учрашувда 9 гол) жойлашди.
Бугунги “Бетис”га қарши баҳсда (2:1) Ансу Фати 75-дақиқада захирадан майдонга тушди ва орадан бир дақиқа ўтиб ҳисобни очди.
