«ПСЖ» бош мураббийи Маурисио Почеттино унинг номи Франция чемпионатининг 2021/2022 йилги мавсумдаги энг яхши мураббийлар рўйхатига киритилмаганига муносабат билдирди.
“Бу масала бўйича менинг фикрим йўқ. Рақибларим Клопп ва Гвардиола бўлган Премьер-лиганинг энг яхши мураббийи номига номзод бўлганимда ҳам худди шундай дегандим», - деди «ПСЖ» устози L'Equipe билан суҳбатда.
Эслатиб ўтамиз, Франция чемпионати ғолиби клуб бош мураббийи тарихида бор-йўғи икки марта мавсумнинг энг яхши мураббийи номига номзодлар қаторига кирмаган.
Маурисио Почеттино бошчилигидаги «ПСЖ» муддатидан аввал Франция чемпионатининг 2021/2022 йилги мавсумида чемпион бўлди.
