Туриннинг “Ювентус” клуби мавсум якунида “Эвертон”дан ижарага олинган ҳужумчи Мойзе Кинни 28 миллион еврога сотиб олиши шарт.
La Gazzetta dello Sport нашри хабарига кўра, "кекса синьора" мажбуриятдан қочишга уринишларига қарамай, бу иш бермаяпти.
Манбага кўра, раҳбарият Киннинг жорий мавсумдаги ўйинидан норози. Италиялик футболчи А Сериянинг жорий мавсумида бор-йўғи 5 та гол уришга муваффақ бўлди, бош мураббий эса ҳужумчидан анча самаралироқ ўйин кутаётганди.
Кин сотиб олинса, «Ювентус» дарҳол футболчи билан хайрлашишга қарор қилиши ҳам истисно эмас. "ПСЖ" ҳужумчининг хизматларига қизиқиш билдирмоқда.
