Мюнхеннинг “Бавария” клуби ҳозирда Дортмунднинг “Боруссия” клубида ўйнаётган норвегиялик ҳужумчи Эрлинг Холандни ўз сафига қўшиб олмоқчи эмас. Бу ҳақда клуб спорт директори Хасан Салиҳамиджич маълум қилди.
"Холанд? Сизни ишонтириб айтаманки, «Бавария» унинг кейинги иш жойи бўлмайди», - деди Салиҳамиджич.
ОАВда анчадан бери Холанднинг «Боруссия»ни тарк этиши ҳақида миш-мишлар тарқалиб келмоқда. Скандинавиялик футболчига асосий даъвогар "Манчестер Сити" бўлиб турибди.
Жорий мавсумда Эрлинг "арилар" сафида барча турнирларда 29 та ўйинда 28 та гол урди.
