"Милан" ҳимоячиси Давиде Калабрия "Реал"нинг қизиқишлари доирасига тушди. Испания чемпиони 25 ёшли футболчини ўз сафига қўшиб олмоқчи.
Калабрия бутун фаолиятини Италия клубида ўтказган ва сўнгги йилларда А Сериянинг энг яхши ўнг қанот ҳимоячиларидан бирига айланди. Мадриднинг “Реал” клуби ҳимоя чизиғини кучайтира оладиган ва ўйинида бироз пасайиш кузатилаётган Дани Карвахал ўрнини босадиган футболчи қидирмоқда. Шу сабаб мадридликлар бор эътиборини "Милан" ҳимоячисига қаратди, дея хабар беради Fichajes.
Маълумот ўрнида, Калабрия жорий мавсум А Серияда 24 та ўйин ўтказиб, 2 та гол ва 3 та голли узатмани амалга оширди.