"Арсенал" ярим ҳимоячиси Мартин Эдегор журналистлар билан Чемпионлар лигасига чиқиш ҳақидаги фикрлари билан ўртоқлашди.
“Мен ушбу мусобақада “Реал” билан бирга бир неча ўйин ўтказдим, лекин ўзимни у ерда ўйнагандек ҳис қилмайман. Мен "Арсенал" билан ушбу мусобақада қатнашиб, улар сафида жанг қилишни хоҳлайман”, - деди “Арсенал” ярим ҳимоячиси.
У жамоанинг ҳозирги формасидан қониқиш ҳосил қилишини қўшимча қилди.
“Биз кўп нарсаларни бошдан кечирдик. Буни майдонда кўришингиз мумкин. Ҳозирги ҳолатимдан мамнунман", - деди Эдегор.
"Арсенал" Премер-лигада тўртинчи ўринни эгаллаб турибди ва якунига 3 тур қолганда асосий рақиби "Тоттенхэм"дан 4 очко олдинда. Икки клуб ўртасидаги ўйин 12-май, пайшанба куни бўлиб ўтади.
