"Манчестер Юнайтед" ярим ҳимоячиси Пол Погба "Манчестер Сити" жамоасига ўтишдан бош тортди, деб хабар бермоқда The Athletic.
Манбага кўра, франциялик футболчи Англия премьер-лигасида ўйнашни истамаяпти ва чемпионатни ўзгартириш ниятида. Футболчига "ПСЖ", "Реал" ва "Ювентус" клублари қизиқиш билдирмоқда.
29 ёшли футболчининг “Манчестер Юнайтед” билан шартномаси 2022 йилнинг ёзида якунига етади. У жорий мавсумда “қизил иблислар” сафида 27 та ўйинда майдонга тушиб, 1 та гол урди ва 9 та голли узатмани амалга оширди.
"Манчестер Юнайтед" келаси мавсумда Чемпионлар лигасида ўйнаш имкониятини йўқотди.
