Журналист Альфредо Педулланинг сўзларига кўра, "Ювентус"га ўтиш учун франциялик ярим ҳимоячи Поль Погба маошини ярмига қисқартириши керак.

Манбага кўра, "Манчестер Юнайтед"да футболчи 1 мавсумга 15 миллион евро олади. Туринликлар раҳбарияти унга 7-8 миллион таклиф қилиши мумкин. Агар Поль бунга рози бўлмаса, клуб молиявий талаблари анча паст бўлган "Лацио" ярим ҳимоячиси Сергей Милинкович-Савич трансферини амалга оширади. Бироқ сербнинг нархи 70 млн евро.

29 ёшли Погба жорий мавсумда “Манчестер Юнайтед” сафида 27 та ўйинда майдонга тушиб, 1 та гол ва 9 та голли узатмани амалга оширди. Франциялик футболчининг “қизил иблислар” билан шартномаси ёзда якунига етади.

27 ёшли Савич Рим клуби сафида 45 та ўйинда майдонга тушиб, 10 та гол ва 12 та голга ассистентлик қилди.