"Ливерпуль" Премьер-лига тарихида бир мавсумда 15+ гол урган 3 нафар футболчиси бор иккинчи клубдир.

“Қизиллар” ҳужумчиси Садьо Мане Англия чемпионатининг қолдирилган “Астон Вилла”га қарши ўйинида (2:1) ғалаба голини киритди.

Бу сенегалликнинг Премьер-лигада жорий мавсумдаги 15-голи бўлди.

Шу тариқа, “Ливерпуль” турнир тарихида чемпионатда 3 нафар футболчиси камида 15 та гол урган иккинчи клубга айланди.

“Қизиллар” ҳужумчиси Муҳаммад Салоҳ 2021/22 йилги АПЛда 22 та, форвард Диогу Жота ҳисобида эса 15 та гол бор.

Аввалроқ, Серхио Агуэро, Эдин Жеко ва Яя Туре 2013/14 лига мавсумида "Манчестер Сити" сафида 15+ гол уришган.