Тез орада Альфред Шрёдер "Аякс" клубининг янги бош мураббийи этиб тайинланиши эълон қилинади.
Мавсум якунида “Манчестер Юнайтед” билан шартнома имзолаган Эрик тен Хаг амстердамликлар бош мураббийи лавозимини тарк этади. Унинг ўрнини 49 ёшли Альфред Шрёдер эгаллайди.
Фабрицио Романонинг сўзларига кўра, томонлар сўнгги расмиятчиликларни ҳал қилишлари керак. Тез орада Шрёдернинг тайинланиши расман эълон қилинади.
Жорий мавсумда Альфред Шрёдер Бельгиянинг «Брюгге» клубида ишлади. 2020 йилнинг ёзидан 2021 йилнинг кузигача у “Барселона”да Роналд Куманга, 2018 йилнинг январидан 2019 йилнинг июнь ойига қадар эса “Аякс”да Эрик тен Хагнинг ёрдамчиси бўлган.
Мутахассис “Твенте” ва Германиянинг “Хоффенхайм” клубларида бош мураббий сифатидаги фаолияти билан ҳам танилган.
