Эрлинг Холанднинг "Манчестер Сити" билан шартномасида товон пули бўлади.
Ҳужумчини 150 миллион еврога сотиб олиш варианти унинг инглиз клуби билан икки йиллик келишувидан сўнг фаоллаштирилиши мумкин, деб хабар бермоқда Get German Football News.
"Сити" норвегиялик футболчини "Боруссия"дан 75 миллионга сотиб олади - бу сумма унинг Дортмунд клуби билан шартномасида товон пули сифатида кўрсатилган.
Умуман олганда, 21 ёшли ҳужумчининг трансфери "шаҳарликлар"га маоши билан бирга салкам 250 миллион еврога тушади. Агентлар учун комиссия - 50 миллион евро.
Олдинроқ Мадриднинг “Реал” клуби Райоланинг 150 миллион евро товон пули талаб қилиши сабабли Холандни трансфер қилишдан бош тортгани ҳақида хабар берилганди.
Икки ярим мавсумда Холанд немис клуби сафида 88 учрашувда 85 та гол урди ва 23 та самарали узатма берди.
