Айни дамда Англия Премьер-лигасининг қолдирилган 22-тур учрашуви бўлиб ўтмоқда ва унда «Тоттенхэм» ўз майдонида «Арсенал»ни қабул қилмоқда.
Микель Артета жамоаси Премьер-лига учун ўзига хос босқични амалга ошириши мумкин. Турнир тарихида ҳали чемпионатнинг дастлабки учта ўйинида мағлуб бўла туриб, якуний натижаларга кўра кучли тўртликка кирган жамоа бўлмаган.
«Арсенал» ҳозирда АПЛ турнир жадвалида 4-ўринда бормоқда. Жамоа 35 турдан сўнг 66 очко жамғариб, бугунги рақибидан тўрт очкога илгарилаб кетган. «Тоттенхэм» устидан ғалаба қозонган тақдирда «Арсенал» тўртинчи ўринни кафолатлайди.
