Ayni damda Angliya Premyer-ligasining qoldirilgan 22-tur uchrashuvi bo‘lib o‘tmoqda va unda «Tottenxem» o‘z maydonida «Arsenal»ni qabul qilmoqda.
Mikel Arteta jamoasi Premyer-liga uchun o‘ziga xos bosqichni amalga oshirishi mumkin. Turnir tarixida hali chempionatning dastlabki uchta o‘yinida mag‘lub bo‘la turib, yakuniy natijalarga ko‘ra kuchli to‘rtlikka kirgan jamoa bo‘lmagan.
«Arsenal» hozirda APL turnir jadvalida 4-o‘rinda bormoqda. Jamoa 35 turdan so‘ng 66 ochko jamg‘arib, bugungi raqibidan to‘rt ochkoga ilgarilab ketgan. «Tottenxem» ustidan g‘alaba qozongan taqdirda «Arsenal» to‘rtinchi o‘rinni kafolatlaydi.
