Мадриднинг "Реал" клуби собиқ ҳужумчиси Роналдо испан матбуоти билан суҳбатда Бразилиянинг "Сантос" клуби ҳужумчиси Неймарнинг келажаги хусусида тўхталиб ўтди.
Испан матбуоти Бразилия термаси футболчисининг "Барселона"га ўтиши ҳақида хабар тарқатганди. Аммо унга Мадриднинг "Реал"и ҳам давогарлик қилмоқда.
"Неймар Бразилияда бахтли. У жуда яхши ўйин кўрсатмоқда ва ўсишда давом этмоқда. У 2014 йилгача Европага кўчиб ўтади, дея ўйламайман", - дейди Роналдо.
Эслатиб ўтамиз, "Сантос"нинг президенти Луис Алвару де Оливейра, агар Неймар "Реал"га ўтадиган бўлса, бу клуб мураббийи Жозе Моуриньо ўзининг қийин тактик схемалари билан унинг қобилиятини бўғиб қўйиши мумкин эканлигини айтган эди.
