Англия чемпионатининг мавсумдаги энг яхши мураббийи номи тез орада малум бўлади. Премьер-лига расмий сайти бу соврин учун 5 нафар номзод - Хосеп Гвардиола («Манчестер Сити»), Юрген Клопп («Ливерпуль»), Томас Франк («Брентфорд»), Патрик Виейра («Кристал Пэлас») ва Эдди Хау («Ньюкасл») кураш олиб боришини эълон қилди.
Даъвогарлар рўйхатида Лондоннинг "Челси" клуби бош мураббийи Томас Тухель ўрин олмаган. Инглиз матбуотининг баъзи миш-мишларига кўра, Премьер-лиганинг немис мураббийини номзодлар рўйхатига киритмаслик қарори ҳозирда "кўклар"га нисбатан қўлланилаётган санкциялар билан боғлиқ.
Пеп Гвардиола ўтган мавсумда АПЛнинг энг яхши мураббийи деб топилган эди.
