Мадриднинг “Реал” клуби “Наполи”нинг испаниялик ярим ҳимоячиси Фабиан Руисга қизиқиш билдиришда давом этмоқда, деб хабар беради Sport Mediaset.
Манбага кўра, "қироллик клуби" бош мураббийи Карло Анчелотти раҳбариятдан яна бир бор футболчини сотиб олишни сўраган. "Реал Мадрид" футболчини нисбатан кичик суммага сотиб олишга умид қилмоқда, чунки унинг "Наполи" билан шартномаси 2023 йилнинг ёзида тугайди. Аввалроқ Руисга "Барселона" қизиқаётгани ҳақида хабар берилганди.
26 ёшли Руис жорий мавсумда “Наполи” сафида барча турнирлар доирасида 37 та ўйинда майдонга тушиб, 7 та гол урди ва 5 та голли узатмани амалга оширди.
