Агар Килиан Мбаппе жамоани тарк этса, парижликлар унинг ўрнига Лиссабоннинг "Бенфика" клуби ҳужумчиси Дарвин Нуньесни қўлга киритишга ҳаракат қилади, деб хабар беради Marca.
Уругвайлик ёш футболчини Париж клуби раҳбарлари клуб юлдузи Килиан Мбаппенинг ўрнини босувчи ҳужумчи сифатида кўрмоқда.
"ПСЖ" форвард учун курашда "Барселона", "Атлетико Мадрид" ва "Манчестер Юнайтед"га қарши кураш олиб боради.
Манбага кўра, Нуньеснинг "Бенфика" билан шартномасида товон пули 150 миллион евро қилиб белгиланган, аммо Лиссабон клуби уни пасайтиришга тайёр.
Дарвин жорий мавсумда “Бенфика” сафида 41 та ўйинда майдонга тушиб, 34 та гол урди ва 4 та голга ассистентлик қилди. Трансфермаркт 22 ёшли Нуньесни 40 миллион еврога баҳоламоқда.
