Agar Kilian Mbappe jamoani tark etsa, parijliklar uning o‘rniga Lissabonning "Benfika" klubi hujumchisi Darvin Nunyesni qo‘lga kiritishga harakat qiladi, deb xabar beradi Marca.

Urugvaylik yosh futbolchini Parij klubi rahbarlari klub yulduzi Kilian Mbappening o‘rnini bosuvchi hujumchi sifatida ko‘rmoqda.

"PSJ" forvard uchun kurashda "Barselona", "Atletiko Madrid" va "Manchester Yunayted"ga qarshi kurash olib boradi.

Manbaga ko‘ra, Nunyesning "Benfika" bilan shartnomasida tovon puli 150 million yevro qilib belgilangan, ammo Lissabon klubi uni pasaytirishga tayyor.

Darvin joriy mavsumda “Benfika” safida 41 ta o‘yinda maydonga tushib, 34 ta gol urdi va 4 ta golga assistentlik qildi. Transfermarkt 22 yoshli Nunyesni 40 million yevroga baholamoqda.