"Бани Яс" ва "Пахтакор" жамоалари ўртасидаги учрашув олдидан тошкентликлар яримҳимоячиси Ойбек Қиличев ўйин борасида фикрлари билан ўртоқлашди. шунингдек, у бир қатор саволларга ҳам жавоб қайтарди.

 - Гуруҳдан чиқишимиз учун бизга ғалаба керак. Табиийки, учрашувда фақат ютишни ўйлаган ҳолда майдонга чиқиб келамиз. Рақибимиз кучли жамоа, лекин биз ўз ўйинимизни кўрсатиб, муваффақиятга эришишимиз лозим. Тошкентга ғалаба қозониб, ёруғ юз билан қайтишни истаймиз.
 
- Олимпия терма жамоаси БААга 2:3 ҳисобида имкониятни бой берди. Ўша беллашувда Ўзбекистон термасига нима бўлди?
- Бу футбол ва унда нима бўлишини билишнинг имкони йўқ. Ҳисоб 2:0га етгач, биз хотиржамликка берилдик ва ўзимизни Лондонда деб ҳис қилдик. Шу сабабли ҳам мағлубиятга учрадик. Охиригача бир хил темпни сақлаб қолишимиз керак эди.
 
- Эртага ҳам БАА жамоаси билан шундай вазият такрорланишидан хавотир олмайсизми?
- Йўқ, у тарихда қолиб кетди. Эртанги ўйин янги тўқнашув. Шундай экан, охирги имконият қолгунча ўзимизни қониқтирадиган натижага эришиш учун уринамиз