“Торино” ҳужумчиси Андреа Белотти ўзининг навбатдаги юбилейини нишонлади. У яқинда “А” сериядаги клуб сафида ўзининг 100-голини урди, энди эса клуб сафида барча мусобақалар доирасидаги 250-учрашувини ўтказди. Унинг учун юбилей учрашуви "Верона" билан ўйин бўлди. Унда "анорранглилар" Брекалонинг голи эвазига минимал ҳисобда ғалаба қозонишди. Шу тариқа “Торино” ўз етакчисининг юбилейини муносиб тарзда нишонлади.

Яна шуни таъкидлаш жоизки, Белотти "Торино"нинг ҳозирги таркибидаги энг тажрибали футболчисидир. "Торино" таркибидаги энг яқин тажрибали ўйинчига қараганда клуб таркибида у 102 та ўйин кўп ўтказган.