“Torino” hujumchisi Andrea Belotti o‘zining navbatdagi yubileyini nishonladi. U yaqinda “A” seriyadagi klub safida o‘zining 100-golini urdi, endi esa klub safida barcha musobaqalar doirasidagi 250-uchrashuvini o‘tkazdi. Uning uchun yubiley uchrashuvi "Verona" bilan o‘yin bo‘ldi. Unda "anorranglilar" Brekaloning goli evaziga minimal hisobda g‘alaba qozonishdi. Shu tariqa “Torino” o‘z yetakchisining yubileyini munosib tarzda nishonladi.

Yana shuni ta’kidlash joizki, Belotti "Torino"ning hozirgi tarkibidagi eng tajribali futbolchisidir. "Torino" tarkibidagi eng yaqin tajribali o‘yinchiga qaraganda klub tarkibida u 102 ta o‘yin ko‘p o‘tkazgan.