"Челси" ярим ҳимоячиси Нголо Канте "Манчестер Юнайтед"нинг трансфер мақсадига айланди.
"Қизил иблислар"нинг янги бош мураббийи Эрик тен Хаг тажрибали француз ярим ҳимоячисини жамоа қуриш учун тўғри ўйинчи деб ҳисоблайди. Бу ҳақда Mirror нашри хабар бермоқда. Манбага кўра, тен Хаг "Юнайтед" ярим ҳимоясини жамоанинг энг муаммоли жойларидан бири сифатида кўрмоқда, шу сабабли "Манчестер Юнайтед" "Барселона" ярим ҳимоячиси Френки де Йонгга ҳам қизиқиш билдирмоқда.
Кантенинг "Челси" билан шартномаси бир йилдан кейин тугайди ва бу унинг трансфер имкониятларини ошириши мумкин. Жорий мавсумда француз лондонликлар сафида 40 та ўйин ўтказиб, 2 та гол ва 5 та голли узатмага муаллифлик қилган.
