"ПСЖ"нинг аргентиналик тажрибали ярим ҳимоячиси Анхель ди Мария парижликлар жамоасининг "Монпелье" устидан қозонган йирик ғалабаси ҳақида гапирди.
Ди Мария Париж клуби ўйинни биринчи дақиқадан сўнгги дақиқагача тўлиқ назорат қилганини таъкидлади. Аргентиналик футболчи "ПСЖ" футболчилари чемпион эканлигини яна бир бор исботлаганини таъкидлади. Ярим ҳимоячининг қўшимча қилишича, барча футболчилар йирик ғалабани қўлга киритиб, ўз мухлисларини хурсанд қилишга муваффақ бўлишганидан хурсанд.
"ПСЖ" "Монпелье"ни 4:0 ҳисобида мағлуб этди. Ди Мария жорий мавсум Франция чемпионатида 25 та ўйинда майдонга тушиб, 4 та гол урди ва 6 та голли узатмани амалга оширди.
