Португалия чемпионатининг сўнгги туридан ўрин олган учрашувда мамлакат чемпионига айланган “Порту” ўз майдонида “Эшторил”ни 2:0 ҳисобида мағлуб этди. Бу муваффақият билан Серхио Консейсау жамоаси мавсумни 91 очко билан якунлади.
“Аждарлар” матбуот хизмати хабарига кўра, бу Примеира клублари учун рекорд кўрсаткичдир. Олдинги рекорд 88 очко бўлиб, "Бенфика" ва "Порту" бунга эришган.
Қўшимча қиламизки, лига чемпионликлари сони бўйича Португалияда "Порту" иккинчи ўринда. Улар ҳисобида 30 та кубок, бу кўрсаткич бўйича пешқадам "Бенфика" 37 та мамлакат чемпиони.
