"Милан" бош мураббийи Стефано Пиоли А Сериянинг 37-тури доирасидаги "Аталанта" билан ўйин ҳужумчи Златан Ибраҳимович учун "Сан-Сиро" стадионида охиргиси бўладими, деган саволга жавоб берди.

"Бундай деб ўйламайман. Умид қиламанки, "Аталанта"га қарши ўйин Ибраҳимович учун "Сан-Сиро"даги охиргиси бўлмайди.

Златан - ақл бовар қилмайдиган чемпион. Мен уни жуда ҳурмат қиламан. У етарлича ақлли. Ўйлайманки, у ўз келажаги ҳақида қарор қабул қила олади», - дейди Пиоли.

40 ёшли швециялик ҳужумчи жорий мавсумда “Милан” сафида барча мусобақаларда 26 та ўйинда майдонга тушди.

У саккизта гол урди ва учта голли узатмани амалга оширди. Унинг клуб билан шартномаси 2022 йилнинг 30 июнига қадар мўлжалланган.