"Milan" bosh murabbiyi Stefano Pioli A Seriyaning 37-turi doirasidagi "Atalanta" bilan o‘yin hujumchi Zlatan Ibrahimovich uchun "San-Siro" stadionida oxirgisi bo‘ladimi, degan savolga javob berdi.
"Bunday deb o‘ylamayman. Umid qilamanki, "Atalanta"ga qarshi o‘yin Ibrahimovich uchun "San-Siro"dagi oxirgisi bo‘lmaydi.
Zlatan - aql bovar qilmaydigan chempion. Men uni juda hurmat qilaman. U yetarlicha aqlli. O‘ylaymanki, u o‘z kelajagi haqida qaror qabul qila oladi», - deydi Pioli.
40 yoshli shvesiyalik hujumchi joriy mavsumda “Milan” safida barcha musobaqalarda 26 ta o‘yinda maydonga tushdi.
U sakkizta gol urdi va uchta golli uzatmani amalga oshirdi. Uning klub bilan shartnomasi 2022 yilning 30 iyuniga qadar mo‘ljallangan.