Лионель Мессининг отаси Барселонага учиб келди.
Журналистлар Хорхе Мессини Эл-Прат аеропортида кутиб олишди ва у журналистларга: “Умид қиламанки, бир кун келиб Лео “Барселона”га қайтиши мумкин" - деди.
Эслатиб ўтамиз, аргентиналик ҳужумчи ўтган ёзда шартнома муддати тугагани сабабли "Барселона"ни тарк этган эди. "Кўк-анорранглилар"нинг молиявий муаммолари туфайли томонлар янги шартнома имзолай олмадилар.
Месси жорий мавсум “ПСЖ” сафида барча турнирлар доирасида 33 ўйинда 11 та гол урди ва 13 та голли узатмани амалга оширди.
