"Ньюкасл" клуби ва Англия терма жамоасининг собиқ ҳужумчиси Алан Ширер "Ливерпул"нинг сўнгги муваффақияти ҳақида ўз фикрлари билан ўртоқлашди.
"Мерсисайдликлар" финалда “Челси”ни мағлуб этиб, Англия кубогини қўлга киритди ва Ширер 2015 йилдан буён клубга устозлик қилиб келаётган немис мутахассиси Юрген Клоппни юқори баҳолади.
- “Ливерпуль” ҳозир барча таҳсинга лойиқ. Унинг футболчилари шунчаки феноменал. Буларнинг барчаси Юрген Клопп хизматлари. Клопп бу жамоани қурган. "Реал" қанчалик кучли эканлигини ҳаммамиз биламиз. Аммо Клоппнинг менталитети Чемпионлар лигаси финалида жуда муҳим бойлик бўлади. Ким ҳозир "Реал"ни тўхтата олса - бу Клопп", - деди Ширер BBC Sport билан суҳбатда.
