Бразилиялик ярим ҳимоячи Артур Мело яқин кунлар ичида Туриннинг "Ювентус" клубини тарк этади. Инсайдер Николо Скиранинг сўзларига кўра, жамоа бош мураббийи Массимилиано Аллегри энди Мелонинг хизматларига қизиқмаяпти.

Шу тариқа, “кекса синьора” футболчини шу йилнинг ёзги трансфер ойнасида сотади. Унинг нархи 20 миллион еврога баҳоланмоқда.

Артур "Ювентус" сафига 2020 йилда "Барселона" клубидан кўчиб ўтганди. У туринликлар билан 2024/2025 йилги мавсум охиригача узоқ муддатли шартномаси бор.

Жорий мавсумда бразилиялик футболчи 31 та ўйинда қатнашиб, битта голли узатмани амалга оширган.