Braziliyalik yarim himoyachi Artur Melo yaqin kunlar ichida Turinning "Yuventus" klubini tark etadi. Insayder Nikolo Skiraning so‘zlariga ko‘ra, jamoa bosh murabbiyi Massimiliano Allegri endi Meloning xizmatlariga qiziqmayapti.

Shu tariqa, “keksa sinyora” futbolchini shu yilning yozgi transfer oynasida sotadi. Uning narxi 20 million yevroga baholanmoqda.

Artur "Yuventus" safiga 2020 yilda "Barselona" klubidan ko‘chib o‘tgandi. U turinliklar bilan 2024/2025 yilgi mavsum oxirigacha uzoq muddatli shartnomasi bor.

Joriy mavsumda braziliyalik futbolchi 31 ta o‘yinda qatnashib, bitta golli uzatmani amalga oshirgan.