Биринчи лига 6-туридан ўрин олган «Қумқўрғон-1977» — «Юниред» учрашувида рекорд даражадаги томошабинлар ташрифи қайд этилди.
15 май куни баҳсни стадиондан 6 421 мухлис томоша қилди. Эътироф этиш жоиз, қумқўрғонликларни қўллаб-қувватлаш учун жорий мавсумда икки уй учрашувида стадионга 9 621 томошабин келди.
Биринчи лига мусобақаси мухлисларни олқишига сазовор бўлаётгани, уларнинг сони ва жамоа ўйинлари сифати йилдан йилга ортиб бораётгани, фанатларнинг футбол атмосферасини ўзгача қилаётгани хурсанд қилади.
«Қумқўрғон -1977» жамоаси яқиндан ёрдам бериб, қўллаб-қувватлаётган Қумқўрғон тумани ҳокими Раҳматилла Гаппаровга ўз миннатдорчилигини изҳор этади.
