Ҳимоячи Мартин Шкртел фаолиятини якунлаганини эълон қилди. Ҳозирда футболчи Трнаванинг "Спартак" жамоаси сафида ҳаракат қилмоқда.

21 май куни бўлиб ўтадиган Словакия чемпионатининг навбатдаги ўйини Мартиннинг профессионал фаолиятидаги сўнггиси бўлади.

Шкртел ўйиндан олдинги матбуот анжуманида футболчилик фаолиятини якунлаганини эълон қилди. Унинг сўзларига кўра, карьерани тугатишнинг асосий сабаби - соғлиқ муаммолари.

Фаолияти давомида Шкртел “Тренчин”, “Зенит”, “Ливерпуль”, “Фенербахче”, “Аталанта” ва “Истанбул” клубларида ўйнаган.

У Словакия терма жамоаси сафида 104 та ўйин ўтказиб, 6 та гол урган. ЖЧ-2010 ва Евро-2016да иштирок этган.